Pa përmendur Greqinë kësaj radhe, Presidenti turk Erdogan ka bërë një deklaratë provokuese lidhur me tensionet mes Athinës dhe Ankarasë për kërkimet për gaz në Mesdheun Lindor.

Në pamundësi për të qenë në ceremoninë e të diplomuarve të Universitetit të Mbrojtjes Kombëtare turke, Erdogan ka bërë një ndërhyrje duke folur në telefon me ministrin turk të Mbrojtjes.

Presidenti turk u shpreh se 100 vjet më parë, ata që sulmuan pavarësinë e Turqisë morën përgjigjen e merituar.

“Ata që sulmuan pavarësinë tonë 1 shekull më parë, populli turk i varrosi ose i hodhi në det. Shpresoj që ata të mos bëjnë të njëjtin gabim sot dhe të mos paguajnë të njëjtin çmim”.

Ndërkohë, Turqia ka njoftuar për një stërvitje ushtarake 5-ditore me ushtrinë e Qipros turke. /tvklan.al