Përbërësit:
115 gr çokollatë
115 gr miell bajame
115 gr sheqer pluhur
115 gr gjalp
100 gr e bardhë veze
100 gr jogurt grek
60 gr të verdhë veze
20 gr niseshte
100 gr kakao
3 gr maja ëmbëlsirash
1 lugë kafe spec djegës
Luleshtryshe
Gjethe mente
Përgatitja:
Në një tas vendosim gjalpin dhe e fusim në mikrovalë që të shkrijë pak. Pasi shkrin shtojmë sheqer pluhur dhe të verdhat e vezëve dhe i përziejmë me mikser. Në një tjetër tas fryjmë me mikser të bardhat e vezës me pak kripë dhe në të shtojmë edhe pak sheqer pluhur. Në një tjetër tas bashkojmë miellin, kakaon dhe majanë. Tek tasi me të verdhat e vezëve shtojmë gjysmën e të bardhave të rrahura, më pas ngadalë shtojmë me sitë miellin, kakaon, majanë, çokollatën dhe i përziejmë të gjitha bashkë. Shtojmë dy lugë nisheshte dhe një lugë çaji spec djegës dhe i përziejmë të gjithë përbërësit bashkë. Brumin e vendosim në forma dhe e fusim në furrë që të piqet.
Presim luleshtryshet në kubike dhe i marinojmë me lëng limoni, sheqer kaf dhe më pas me mikser i bëjmë krem. Edhe kosit i shtojmë sheqer pluhur dhe e rrahim mirë. Vendosim në pjatë fillimisht kremin e luleshtrydheve. Mbi të vendosim një minikek dhe pak nga kosi me sheqer, si dhe sheqer pluhur.
/tvklan.al
