Ministri turk vizitë në Athinë, pritet me përqafime nga Nikos Dendias




Ministri turk vizitë në Athinë, pritet me përqafime nga Nikos Dendias

20:51 30/05/2021

Ministri i Jashtëm i Turqisë, Mevlut Cavusoglu ndodhet në Greqi për një vizitë zyrtare në kuadër të bisedimeve për normalizimin e marrëdhënieve mes dy vendeve.

Gjatë ditës së sotme, Cavusoglu takoi në Traki banorë të minoritetit turk. Ndërkohë që pas këtyre takimeve, ministri turk u nis drejt Athinës për të darkuar me homologun e tij grek Nikos Dendias. Ky i fundit e priti me përqafime jashtë restorantit në zonën e Akropolit.

Ndërsa ditën e nesërme, ministri i Jashtëm i Turqisë do të takohet që në mëngjes me Kryeministrin grek Kyriakos Mitsotakis dhe më pas do të ketë takimin zyrtar me homologun Dendias në Ministrinë e Jashtme.

Sipas mediave greke, pas bisedimeve do të mbahet konferenca e përbashkët për shtyp rreth orës 13:15 sipas kohës lokale. /tvklan.al





Të ngjashme