“Serbia mund të llogarisë në mbështetjen e sinqertë të Spanjës në drejtim të ruajtjes së integritetit të saj territorial”.

Kështu deklaroi të martën ministrja e Jashtme spanjolle, Aranca Gonzales Lai pas bisedimeve me homologun serb Nikolla Selakoviç në Madrid.

“Spanja i përmbahet parimit të mosnjohjes së Kosovës. Ne e kemi mbrojtur atë pozicion deri më tani, ne po e bëjmë sot dhe do të vazhdojmë në të ardhmen”, tha ajo në një konferencë të përbashkët për shtyp, duke iu përgjigjur pyetjes së Tanjug nëse Spanja mban pozicionin e saj mbi mosnjohjen e pavarësisë së Kosovës.

Gonzalez vuri në dukje se çështja e Kosovës duhet të zgjidhet në dialogun midis Beogradit dhe Prishtinës.

“Ne duhet ta mbështesim atë dialog edhe më vendosmërisht si një mënyrë për një zgjidhje paqësore të çështjes së Kosovës”, theksoi ajo./klankosova