Ishte momenti kulminant i karrierës së saj si pjesëmarrëse në një konkurs bukurie, por gjithçka për pak sa nuk përfundoi në tragjedi për Miss Kongon, Dorcas Kasinde, pasi parukja e saj mori flakë nga piroteknika e përdorur në momentin që u kurorëzua si Miss Afrika 2018.
24-vjeçarja po përqafonte Miss-in fitues të një viti më parë, kur një prej xixave i vuri flakën parukes që mbante në kokë, duke shkaktuar ulërima tek të pranishmit.
Fatmirësisht ajo nuk pësoi dëmtime nga zjarri që u shua shumë shpejt dhe u shpërblye me çmimin prej 35 mijë dollarësh dhe një automjet.
“Jam mirë, flokët janë në rregull. Ndihem mirë tani, faleminderit”,
tha Kasinde në një video të postuar në rrjetet sociale.
/tvklan.al