Sinoptikanët: Prilli do jetë i lagësht
Moti i keq ka përfshirë të gjithë territorin e vendit, duke rikthyer reshjet e dëborës në veri dhe verilindje.
Edhe pse në Pranverë ulja e temperaturave ka bërë që në Malësinë e Shkodrës reshjet e dëborës të arrijnë deri në 10 centimetra.
Nuk kanë munguar as orteqet e dëborës, çka kanë sjellë bllokimin e rrugës në Qafë-Thore.
Reshje dëbore ka patur edhe në zonat malore të Korçës, duke vështirësuar qarkullimin në akset drejt Boboshticës dhe Dardhës.
Reshjet e dendura të shiut kanë shkaktuar probleme në Rrugën e Arbrit.
Një masiv dheu dhe gurësh kanë rënë në aksin rrugor Xibër-Qafë Murrizë, duke e bërë këtë aks të pakalueshëm.
Sinoptikanët thonë se moti me reshje dhe pse jo intensive të vijojë deri në 10 Prill.
“Pritet të kemi përmirësim ditën e hënë dhe të martë, e mërkura sjell reshjet dhe pse jo me intensitet të lartë, ku jo vetëm janë plotësuar kuotat mujore por janë tejkaluar, ku sistemi vranësirave ka qenë në veri-verilindje duke sjellë ndryshime në liqenin e Komanit, Fierzës dhe Vaut të Dejës”, thotë meteorologjia Lajda Porja.
Pas dy ditëve tipike dimërore, sinoptikanët parashikojnë rritje të temperaturave.
“Vetëm dita e sotme dhe nesër pritet të kenë temperatura tipike të Dimrit, duke nisur nga e mërkura do të kemi temperatura 20 dhe mbi 20 gradë”.
Muaji Prill parashikohet të mbyllet i lagësht por i ngrohtë.
Tv Klan