Ish-portieri i ekipit tonë Kombëtar dhe Partizanit, Mikel Janku është ndarë nga jeta në moshën 78 vjeçare, pasi vuante nga një sëmundje e rëndë.
Janku ishte një ndër figurat më të spikatura të futbollit shqiptar dhe Klubit Partizani në vitet 60-të.
Në një njoftim në rrjetin social Facebook, klubi i Partizanit njofton për ndarjen nga jeta të Jankut ku përcjell dhe ngushëllimet.
“FK Partizani shpreh dhe përcjell ngushëllimet më të sinqerta familjes Janku dhe të afërmve të tij për humjen e njeriut të tyre më të dashur. Janku kampion dhe fitues i kupave me Partizanin ka mbrojtur portën e të kuqve dhe ekipit tonë përfaqësues në periudhën 1962 – 1969. Pas largimit nga futbolli i luajtur, Janku ka qenë drejtues i klubit Partizani. Nga viti 1992 ai është përkushtuar në rolin e opinionistit në shumë emisione sportive dhe ka punuar për një periudhë të gjatë kohe si gazetar sportiv.
Në 70 vjetorin e themelimit Klubi i Futbollit Partizani i akordoi Mikel Jankut “Medalje të Meritës” , ndërsa Federata e Futbollit e ka vlerësuar me titullin “Nderi i Futbollit Shqiptar”.
U PREHSH NË PAQE LEGJENDA E KUQE MIKEL JANKU!”
/tvklan.al
