Ka ndërruar jetë ditën e sotme një nga ikonat e kinematorgrafisë greke, aktori Kosta Voutsas.
Një jetë të gjatë në skenë, me më shumë se 109 role në filmat dhe serialet më të suksesshme greke, Kosta humbi betejën me një sëmundje të rëndë që e mundoi 20 ditët e fundit.
Ai la pas katër fëmijë nga tre martesa. Në vitin 2016 ai u martua me aktoren Aliki Katsavou, me të cilën ka një djalë 3 vjeç.
Aktori legjendar siç e përshkruajnë mediat greke, ishte aktiv në skenë deri në muajt e fundit të jetës, edhe pse 88-vjeçar.
Në një lidhje telefonike në emisionin e mëngjesit në televizionin “Alpha”, bashkëshortja e tij u shpreh se në asnjë moment ai nuk e kishte menduar vdekjen dhe priste që të dilte shëndoshë e mirë nga spitali i Athinës. /tvklan.al