Ndodh në Prishtinë: Paguajnë pica me 500 euro false marrin kusur 400 euro origjinale…




Ndodh në Prishtinë: Paguajnë pica me 500 euro false marrin kusur 400 euro origjinale…

17:57 11/05/2022

Qindra e mijëra euro para që dyshohet të jenë të falsifikuara po vazhdojnë të vihen përditë në qarkullim në tregun e Kosovës. Një rast i tillë i ka ndodhur dje një punëtorit të një picerie në Prishtinë, i cili ka pranuar nga një kartëmonedhë prej 500 eurosh, e cila dyshohet të jetë e falsifikuar.

Rasti është raportuar në stacionin policor “Jugu”, ku punëtori ka deklaruar se 500-shen e kishte pranuar nga 3 persona, pasi kishte dërguar një porosi në rrugën “Kadri Halimi”, në Prishtinë.

Duket se kjo është një ‘metodë’ e re për të vënë në qarkullim para të falsifikuara, pasi porosia që kanë marrë tre personat ka kushtuar afër 80 euro dhe punëtori është dashur t’ua kthejë të dyshuarve mbi 400 euro. Në momentin e pagesës, punëtori nuk e ka dalluar se paratë mund të jenë të falsifikuara, por pasi kartëmonedha është testuar në aparat, ka rezultuar e falsifikuar.

Por ky nuk është rasti i vetëm i raportuar në polici për para të falsifikuara.

Edhe një zyrtar i një banke në Drenas ka njoftuar policinë se kanë pranuar një kartëmonedhë prej 100 euro që dyshohet të jetë e falsifikuar. Njësia policore ka sekuestruar paratë, teksa është iniciuar edhe rast./KlanKosova













Të ngjashme