Në Kosovë xhamitë do të jenë të mbyllura

Në Kosovë xhamitë do të jenë të mbyllura

16:58 23/05/2020

Vendimi është marrë nga bashkësia islame

Sonte përfundon muaji i madhërishëm i Ramazanit, ndërsa është hera e parë që besimtarët islam nuk mund të falin Bajramin në xhami.

Bashkësia Islame e Kosovës për shkak të pandemisë ka marrë një vendim të tillë me rekomandim të Institutit Kombëtar të Shëndetit Publik dhe Ministrisë së Shëndetësisë.

Vedat Sahilit, këshilltar i Myftiut të Bashkësisë Islame të Kosovës këshillon besimtarët të falen dhe të festojnë nga shtëpitë e tyre.

Ndërsa myftiu i Kosovës Naim Tërnava do tu drejtohet me mesazhe paqeje besimtarëve islam para faljes së Bajramit direkt nëpërmjet televizionit.

Ditë më parë disa besimtarë anonim kishin organizuar në sheshin kryesor të kryeqytetit  faljen e namazit në natën e Kadrit.

Në fazën e dytë të masave lehtësuese Ministria e Shëndetësisë me rekomandim të IKSHP-së nuk ka parashikuar  hapjen e objekteve fetare për lutje.

Tv Klan

Të ngjashme

Grupi

Kallezo