Një nënë nga Uellsi po lufton për të mbledhur rreth 50 mijë paundë, në mënyrë që ta çojë të bijën e saj për trajtim në Shtetet e Bashkuara të Amerikës, në një përpjekje të dëshpëruar për të shpëtuar jetën e saj.
Mjekët i dhanë vetëm 24 orë jetë Lydia Germon kur lindi dhe që prej asaj kohe, ajo është përballur me një betejë të përditshme për mbijetesë. Vogëlushja 7 – muajshe vuan nga Dandy – Walker, një anomali në tru, që shkakton zmadhim/deformim të kokës.
Dhe pavarësisht operacioneve të shumta, mjekët thonë se nuk mund të bëjnë asgjë më shumë.
Lydia sfidoi të gjitha gjasat dhe suprizoi mjekët kur lindi, pasi u diagnostikua me këtë sëmundje kur ishte ende në barkun e nënës.
Kjo e fundit, 28 – vjeçarja Bethan, refuzoi të hiqte dorë dhe nuk pranoi të abortonte.
Tashmë, familja e Lydias po shpreson që t’i nënshtrohen trajtimeve në SHBA, për t’i thithur një pjesë të lëngjeve që ka në kokë, një praktikë që nuk bëhet në Britani dhe që mund t’i japë të voglës një shans për të jetuar.
Nëna e saj tashmë i ka vënë qëllim vetes që me anë të shoqatave të bamirësisë të mbledhë paratë e nevojshme për t’iu nënshtruar trajtimit në Amerikë.
Në pjesën më të madhe të rasteve të pacientëve me Dandy – Walker, lëngjet e shtyllës së tyre kurrizore, mbushin hapësirën ku duhet të ndodhej një celebrum (truri i madh) i zhvilluar. Në disa raste, bebet me këtë sindromë jetojnë 1 deri në 2 vjet./tvklan.al
