Nis nesër festa e birrës në Korçë





Nis nesër festa e birrës në Korçë

16:10 16/08/2022

5 ditë argëtim për pushuesit nga i gjithë vendi

E kthyer tashmë në një traditë, Festa e Birrës në Korçë vjen në edicionin e saj të 16-të. Me mijëra vizitorë nga vendi dhe rajoni do të shijojnë birrën dhe muzikën më të mirë në datat 17 deri 21 Gusht.

Emrat më të njohur të muzikës shqiptare si Aurela Gaçe, Eranda Libohova, Eugent Bushpepa, Capital T, West Side Family etj, do të jenë pjesë e 5 koncerteve madhështore që do të mbahen në skenën e festës pranë Terminalit të Autobusëve.

Për herë të parë në Shqipëri, Festës së Birrës i bashkohet këngëtari grek Konstantinos Argiros, një nga emrat më të njohur në Greqi. Ai do të përformojë në 20 Gusht, dhe biletat për koncertin e tij kanë nisur të shiten në çdo pikë EasyPay në Shqipëri dhe online në faqen zyrtare të festës.

Një tjetër risi e këtij edicioni do të jetë mundësia që vizitorët të rezervojnë vendin e tyre në një zonë të dedikuar përballë skenës me shërbim të veçantë. Ndërsa ata që nuk duan të rezervojnë një tavolinë, hyrja do të jetë e lirë në çdo hapësirë tjetër.

Tv Klan













Të ngjashme