Ish-Presidenti Bujar Nishani ka deklaruar se çdo vendim që do të merret më 11 Dhjetor në Kuvendin Kombëtar të PD-së është zyrtare dhe nuk ka kontestim tjetër. Sipas Nishanit, PD-ja zyrtare është ajo që vendos Kuvendi i datës 11 Dhjetor.

Blendi Fevziu: Në qoftë se ju merrni më 11 Dhjetor të gjitha këto vendime, por PD-ja zyrtare nuk i njeh, çfarë ndodh?

Bujar Nishani: PD zyrtare është ajo që merr këto vendime!

Blendi Fevziu: PD zyrtare pretendon që ka 4500 firma delegatësh në zyrën e saj.

Bujar Nishani: Ku i ka?

Blendi Fevziu: I ka thotë, unë nuk e verifikoj dot.

Bujar Nishani: Duhet të kemi parasysh faktin që Kuvendi i 11 dhjetorit nisi si procedurë!

Blendi Fevziu: E konteston PD-ja zyrtare, çfarë reagimi do të ketë?

Bujar Nishani: PD-ja zyrtare është ajo që vendos Kuvendi i datës 11, nuk ka më PD zyrtare jashtë asaj që vendos 11.

Blendi Fevziu: Si nuk ka?

Bujar Nishani: Nuk ka, nuk ekziston më! Sepse vendos pikërisht legjislacioni i një partie që në këtë rast është statuti, është Kuvendi.

Blendi Fevziu: Pra ju thoni që çdo gjë që vendoset më 11 është zyrtare dhe nuk ka kontestim tjetër.

Bujar Nishani: Normalisht./tvklan.al