Ministria e Arsimit dhe Sportit, do të shpërndajë 5 mijë libra në rreth 20 shkolla 9-vjeçare dhe të mesme në kryeqytet. Por projekti do të shtrihet më pas në të gjithë vendin.

Por, ndryshe nga herët e kaluara, kur bibliotekat e shkollave mbusheshin me libra historike e filozofikë, nga shtëpitë botuese kliente të qeverisë, këtë herë përzgjedhja e titujve do të bëhet nga vetë nxënësit.

Zv\ministrja e Arsimit shprehet se kjo nismë do t’u ofrojë mundësinë nxënësve që të kenë në bibliotekat e shkollave të tyre libra artistikë, që jo të gjitha familjet i kanë mundësinë t’i blejne. Shpenzimet për këtë projekt do të mbulohen tërësisht nga buxheti i Ministrisë së Arsimit.

Krahas këtij projekti, Ministria e Arsimit ka ndërmarrë edhe një nismë të re, ku nxënësit do të qëndrojnë në shkollë edhe pasditeve.

Burimi: Klan Plus