Ministrja e Mbrojtjes, Olta Xhaçka, ka rrëfyer këtë të hënë në emisionin “Në Kurthin e Piter Pan 3” në Tv Klan se të bërit nënë e ka nxjerrë nga parashikimet e vetes.
Ajo është nënë e dy vajzave dhe ka shpjeguar gjatë programit se si po përpiqet t’i edukojë ato. Guximi dhe besimi janë dy nga virtytet që ajo po përpiqet t’u japë.
Xhaçka tregoi se të qenit nënë e dy vajzave e ka pasuruar në mënyrë të papërshkrueshme, ndërsa dashuria për to është e pashtershme.
“Nëse më përpara kur shikoja nëna me fëmijë, kur në një mënyrë apo tjetër gjykoja bëri mirë, s’e bëri mirë, unë do ta kisha bërë ndryshe, sidomos me vajzën e parë situata më doli jashtë kontrollit në kuptimin që u ndjeva fëmijë dhe unë vazhdoj ende sot sikur po rritem dhe shumë gjëra i mësoj rrugës. Nuk di të them nëse kam një model tipik, por mundohem shumë që vajzën ta edukoj të jetë vetvetja, të guxojë, të besojë edhe të jetë ajo që do të jetë, brenda kontureve të dispilinimit siç e bën çdo prind, siç e bën çdo nënë. Të pasurit të dyja vajzave më ka pasuruar në një mënyrë që nuk di ta përshkruaj. Më ka mësuar se cilat janë përmasat e zemrës sime dhe që dashuria për to qenka e pashtershme, e pafundme. duhet të bëhesh nënë për ta kuptuar dimensionin e këtij realizimi”, rrëfeu ministrja.
Olta Xhaçkaa është bërë nënë për herë të dytë disa muaj më parë./tvklan.al
