44 jetë të humbura, më shumë të shtruar në spital
Arrin në 44 numri i personave që kanë humbur jetën nga Covid-19 në Shqipëri. Një 62-vjeçar nga Tirana ndërroi jetë në Spitalin Infektiv.
“Në 24 orët e fundit një humbje jete është shënuar në spitalin infektiv. Një 62 vjeçar nga Tirana i shtruar në gjendje të rëndë, i intubuar, nuk arriti dot të mbijetojë me gjithë përpjekjet e stafit mjekësor të spitalit infektiv”.
Në 24 orët e fundit janë shënuar 71 raste të reja me koronavirus.
“Janë kryer 327 testime për të dyshuar të prekur me Covid19 nga të cilat janë konfirmuar 71 raste pozitive, 31 të prekur në Tiranë, 12 në Shkodër, 6 në Fier, nga 5 raste në Krujë dhe Vlorë, 4 në Pogradec, 3 në Durrës, 2 në Kamëz, dhe nga 1 rast në Mirditë, Lezhë, Kukës kryesisht raste të reja ne proces hetimi si dhe kontakte të rasteve të konfirmuara më herët pozitive”.
Numri i të shtruarve në spital vijon të rritet.
“Vijon të ketë shtrime të reja te qytetarëve që kanë nevojë për trajtim spitalor si pasojë e Covid19. Aktualisht në shërbimin infektiv po marrin shërbim 78 pacientë, 10 prej tyre janë në terapi intensive ndërsa 1 është i intubuar”.
Për shkak të mosrespektimit të protokolleve të shëndetësisë dhe masave antiCovid numri të infektuarve ka pësuar rritje. Janë 784 persona aktivë me Covid-19, kryesisht në Tiranë, Shkodër, Durrës.
Tv Klan
