Të paktën 71 persona kanë gjetur vdekjen pasi një traget u përmbys në lumin Tigër të Irakut këtë të enjte. Sipas zyrtarëve lokalë, pjesa më e madhe e viktimave ishin gra dhe fëmijë, të cilët nuk dinin të notonin.
Tragjedia, e cila ndodhi pranë Mosulit, dyshohet se erdhi për shkak se trageti ishte i tejmbushur me pasagjerë. Operacionet e shpëtimit vijojnë ende, ndërsa të paktën 20 persona rezultojnë të zhdukur. Numri i viktimave vijon të rritet.
Fotot dhe videot e publikuara në rrjetet sociale tregojnë me dhjetëra persona në ujë, ndërsa njerëz të shumë shohin nga bregu të tmerruar.
At least 40 reported dead as ferry carrying them capsizes near #Mosul, #Iraq pic.twitter.com/ywndWHzMHW
— Owais Shah (@owaistshah) March 21, 2019
Sipas BBC në traget ndodheshin të paktën 100 persona, të cilët ishin nisur drejt një ishulli turistik me rastin e festimeve të Sulltan Nevruzit.
Kryeministri i vendit Adel Abdul Mahdi urdhëroi nisjen menjëherë të hetimeve, për të përcaktuar shkaqet e kësaj tragjedie.
Autoritetet raportohet se i kishin paralajmëruar njerëzit për rritjen e nivelit të ujit, për shkak të hapjes së portave të digës së Mosulit dhe disa po akuzojnë operatorët e anijes se kishte injoruar këshillën.
/tvklan.al