Obama pritet të shpallë kandidaturën për Sekretar të Mbrojtjes



Obama pritet të shpallë kandidaturën për Sekretar të Mbrojtjes

19:33 02/12/2014 obamaPresidenti i Shteteve të Bashkuara, Barak Obama, pritet të shpallë së shpejti kandidaturën e Eshton Karter për Sekretar të Mbrojtjes.

Ky post është vakant pas dorëheqjes javën e kaluar të Çak Hejgëll.

Karter ka shërbyer prej vitit 2011 deri në 2013 si zëvendës-sekretar në Pentagon. Ndërsa gjatë presidencës së Bill Klinton ka mbuluar detyra të larta po në këtë department.

Kandidatura e Karter pritet të merret në shqyrtim nga Senati – sipas Kushtetutës amerikane, në fillim të muajit tjetër, ndërkohë që dhoma e lartë e Kongresit është nën kontrollin e republikanëve.

Ish-sekretari Hejgël dha dorëheqjen për shkak të mosmarrëveshjeve me Obamën për strategjinë që SHBA duhet të ndiqte në luftën ndaj Shtetit Islamik dhe regjimit të Asadit në Siri.

Tv Klan






Të ngjashme