Marrëdhëniet mes Shtetet e Bashkuara dhe Kubës hyjnë në një epokë të re.
Nga Shtëpia e Bardhë, presidenti Barak Obama shpalli ndryshimin e politikës amerikane ndaj vendit komunist, me fillimin e procesit të normalizimit të marrdhënieve diplomatike dhe thellimin e bashkëpunimit ekonomik.
Pas më shumë se 50 vitesh do të rihapet ambasada amerikane në Havana.
Pritet të lehtësohet embargo tregtare, sanksionet financiare dhe të hiqet ndalimi i udhëtimit drejt Kubës për shtetastit amerikanë.
Udhëheqësi kuban Raul Kastro përshëndeti vendimin, duke thënë ndryshimet kërkoheshin prej vitesh.
Vendimi i Obamës erdhi pas marrëveshjes për shkëmbimin e të burgosurve.
Kuba liroi amerikanin 65-vjeçar Alan Gross, i arrestuar në vitin 2009 nën akuzën për spiunazh.
Shtetet e Bashkuara liruan në këmbim tre kubanë.
Sipas mediave ndërkombëtare, në mënyrë të fshehtë, në negociatat që sollën këto rezultate, u prërfshinë Kanadaja e Vatikani.
Tv Klan