Obeziteti do të kthehet në shkakun më të madh të parandalueshëm të kancerit te gratë brenda vitit 2043, sipas një raporti kërkimi mbi kancerin.
Aktualisht, 12% e kancereve te femrat janë të lidhura me pirjen e duhanit dhe 7 % me mbipeshën dhe obezitetin.
Por ndërkohë që numri i duhanpirësve është në rënie dhe obeziteti po rritet, hendeku parashikohet të zhduket brenda 25 vjetëve.
Shifrat supozojnë se tendencat aktuale do të vazhdojnë.
Kërkimet mbi kancerin në Britaninë e Madhe llogarisin se deri në vitin 2035, 10 % e kancerit te gratë (rreth 25,000 raste) mund të lidhen me pirjen e duhanit dhe 9 % (rreth 23,000 raste) me obezitetin.
Te meshkujt e Mbretërisë së Bashkuar, obeziteti nuk parashikohet t’ia kalojë duhanit si shkak i parandalueshëm i kancerit, për shkak se numri i meshkujve që pijnë duhan është më i lartë se ai i femrave.
Megjithëse obeziteti po bëhet më i zakonshëm edhe te meshkujt, mbipesha te femrat mendohet të jetë një nxitës më i madh i kancerit në popullatën e gjinisë femërore.
Raporti thotë se llojet e kancerit të lidhura me pirjen e duhanit përfshijnë leukeminë akute mieloide, kancerin e mushkërive, të fshikëzës, të zorrës, të qafës, të pankreasit dhe stomakut.
Kanceret e lidhura me mbipeshën ose obezitetin përfshijnë atë të zorrëve, fshikëzës e tëmthit, veshkave, mëlçisë, kancerin e gjirit, vezoreve dhe tiroideve./tvklan.al
