OFL “troket” në derën e 3 të dënuarve për trafik droge



OFL “troket” në derën e 3 të dënuarve për trafik droge

11:04 10/07/2020

Duhet të vetëdeklarojnë pasurinë

Operacioni Forca e Ligjit ka nisur kërkesat me shkrim për vetëdeklarimin e burimeve të pasurisë tre personave. Bëhet fjalë për tre të dënuar për trafik droge kryer në bashkëpunim.

“Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

Aranit Arapi, banues në Lushnjë, i dënuar për veprën penale “Trafikimi i narkotikëve”, kryer në bashkëpunim;

Shkëlzen Ahmetaj, banues në Kavajë, i dënuar për veprën penale “Trafikimi i narkotikëve”, kryer në bashkëpunim, mbetur në tentativë;

Muhamet Demrozi, banues në Kavajë, i dënuar për veprën penale “Trafikimi i narkotikëve”, kryer në bashkëpunim””, thuhet në njoftim.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së. Më pas, përgjigjet e marra do t’i dërgohen SPAK-ut, për veprime të mëtejshme./tvklan.al




Të ngjashme