Burime për Klan News bëjnë me dije se Policia e Vlorës dhe Guardia di Finanza kanë sekuestruar ditën e djeshme në vendin e quajtur Gjiri i Arushës, 600 kilogramë lëndë narkotike, e dyshuar kanabis sativa.
Droga është sekuestruar, teksa po shkëmbehej mes trafikantëve në det të hapur. Sipas burimeve tre skafistët e kanë shkëmbyer drogën në det. Ata kanë lëvizur me një skaf dhe e kanë ngarkuar kanabisin në një velierë, e cila po i priste në det.
Blutë e Vlorës kanë qenë duke i vëzhguar së bashku Guardia di Finanza. Me të përfunduar shkëmbimi ata kanë ndërhyrë dhe kanë vënë në pranga 3 persona.
Klan News
