Ministri i Brendshëm, Sandër Lleshaj ka reaguar lidhur me operacionin antikanabis të zhvilluar nga policia e Krujës ku përfunduan në pranga 19 persona dhe u shpallën në kërkim disa të tjerë.
Nëpërmjet një postimi në rrjetin social Twitter, Lleshaj shkruan se operacioni i sotëm në Krujë ishte një tjetër goditje e fortë dhe shpreh vullnetin e palëkundur politik dhe kapacitete të plota operacionale.
LLeshaj ju bën të qartë atyre që sipas tij se kanë kuptuar se ka mbaruar historia e kanabisit në Shqipëri.
Postimi i plotë i ministrit Lleshaj:
Operacioni i madh policor kundër kanabisit sot në Krujë është një tjetër goditje e fortë që shpreh vullnet të palëkundur politik dhe kapacitete të plota operacionale. Për ata që ende s’e kanë kuptuar: ka mbaruar historia e kanabisit në Shqipëri. E ardhmja jonë janë vlerat europiane. Jo kanabisi!Respekt për angazhimin e Policisë së Shtetit 🇦🇱👮♂🇦🇱 /tvklan.al
