Opinion – Çfarë do të bëjë Sali Berisha?


Opinion – Çfarë do të bëjë Sali Berisha?

Autori: Blendi Fevziu

21:56 13/09/2021

Gjekmarkaj: Basha nuk kishte rrugë tjetër për Berishën, ndryshe do ishte bërë një Haxhi Qamil

Deputeti i Partisë Demokratike, Agron Gjekmarkaj, është shprehur sot se Lulzim Basha nuk ka pasur rrugë tjetër për Sali Berishën dhe sipas tij përjashtimi ishte mundësia e vetme.

I ftuar në emisionin “Opinion” në Tv Klan, Gjekmarkaj tha se PD rrezikonte të kthehej në një organizatë të padëshirueshme për SHBA dhe Lulzim Basha mund të kthehej në një Haxhi Qamil.

Agron Gjekmarkaj: Për Partinë Demokratike kjo është ngjarja më emocionale në lidhje me anëtarësinë e saj. Unë e kam thënë dhe e besoj, unë ende vazhdoj të funksionoj si analist dhe si intelektual i pavarur dhe gjykimin e ndërtoj mbi ato që di, ndoshta nuk i di të gjitha, por ato që di më çojnë në përfundimin që Lulzim Basha nuk kishte rrugë tjetër, ishte i detyruar. Lulzim Basha nuk mund të shndërrohej në një Haxhi Qamil, i cili do të thoshte kam Shijakun e Kavajën me vete kundër Amerikës, është e pamundur.

Blendi Fevziu: A mund ta bënte në një rrugë pak më gjithëpërfshirëse? A mund t thërriste Berishën të jepte argumentat e tij përpara grupit?

Agron Gjekmarkaj: Procedura në vetvete që ka zgjedhur Basha nuk më bind, nuk më duket parimore, por nga pikëpamja morale ai ka treguar një fuqi si lider, një përgjegjësi të madhe dhe ai e tha në mbledhjen e grupit parlamentar: “Unë i rri kësaj përgjegjësie deri në fund me të gjitha pasojat që kjo mund të sjellë në karrierën time politike”. Por, siç ai tha, prirem ta besoj, “e kam bërë këtë që mos ta fus PD në një konflikt, në një gjakderdhje politike”.

Blendi Fevziu: Kishte rrugë sipas teje, Gjekmarkaj? Po dorëheqja që tha zonja Guxholli?

Agron Gjekmarkaj: Unë mendoj që nuk kishte rrugë tjetër. Do sillnin një kryetar tjetër dhe rrezikonte të shndërrohej në një organizatë e padëshiruar dhe shpallje e padëshiruar nga SHBA.

Blendi Fevziu: Ka qenë ky kërcënim?

Agron Gjekmarkaj: Sigurisht që ka qenë ky kërcënim. SHBA e kanë vënë Partinë Demokratike, t’iu themi shqiptarëve të vërtetën, nën ultimatum.

“Hipokrite”, debat i fortë mes Guxhollit e Gjekmarkajt: Ke thënë të 99-at për Bashën kur nuk të vuri deputet

Vendimi i Lulzim Bashës për Sali Berishën duket se ka ndarë të djathtën në Shqipëri. Deputeti Agron Gjekmarkaj dhe ish-zyrtarja e PD, Zana Guxholli, kanë ndarë mendime të ndryshme lidhur me vendimin e kreut të PD.

Deputeti dhe ish-zyrtarja janë përplasur ashpër në studion e emisionin “Opinion”, ku akuzat kanë kaluar dhe në personale mes tyre.

Zana Guxholli: Atë kërcënim e bëri me të drejtë SHBA-ja kur i kërkoi aksionet që të mos dilte në të kundërt, të mos dilte nga parlamenti, të mos largohej nga reforma, atëherë është bërë ky kërcënim. Megjithatë, në atë kohë, Basha nuk e mori parasysh, kjo më vë pikëpyetjen mua. Unë nuk dyshoj dhe nuk vë në diskutim vendimin e amerikanëve, fare, fare.

Agron Gjekmarkaj: O zonjë, më thuaj, Partia Demokratike duhet të ketë marrëdhënie solide me SHBA apo nuk duhet t’i ketë? Në qoftë se mes këtyre dy marrëdhënieve ka një pengesë, një pengesë madhore, të quajtur Sali Berisha, si duhet të reagojë Partia Demokratike?

Zana Guxholli: Nuk vë në diskutim vendimin e SHBA, vë në diskutim vendimin e zotit Basha.

Agron Gjekmarkaj: Ju jeni të gjithë hipokritë dhe diskursë sepse i ikni thelbit. Thelbi është ky.

Zana Guxholli: Jo, jo hipokrit s’jam unë, hipokrit je ti që ke dalë ke thënë të 99-at për Bashën kur nuk të vuri deputet. Tani që të vuri deputet, Basha është bërë lider./tvklan.al








Të ngjashme

Autori: Blendi Fevziu

21:56 13/09/2021