Policia i vrau djalin, flet babai i Klodjan Rashës: Po prisnim për ta martuar

Qazim Rasha, babai i 25-vjeçarit Klodjan Rasha që mbeti i vrarë nga policia në Laprakë të Tiranës, ka dhënë një intervistë ekskluzive për emisionin “Opinion” në Tv Klan.

I pyetur nga gazetari Spartak Koka lidhur me këtë ngjarje të rëndë, Qazim Rasha është shprehur i revoltuar me veprimin e efektivit të policisë.

Madje, Qazim Rasha ka deklaruar se djali i tij së shpejti do të martohej, ndërsa kërkon me dëshpërim zbardhjen e çështjes.

Spartak Koka: Është një ngjarje e rëndë fillimisht, ngushëllime për humbjen e djalit tuaj.

Qazim Rasha: Faleminderit!

Spartak Koka: Çfarë ka ndodhur dhe si e keni marrë vesh, çfarë mund të na thoni për opinionin publik në këtë intervistë të drejtpërdrejtë në emisionin “Opinion”?

Qazim Rasha: Fatkeqësi e imja, mos i ndodhtë askujt. Çfarë mund të thotë një baba për një djalë 25-vjeçar që kishte dalë të marrë një paketë cigare. E të iki se nuk ka maskë dhe të masakrohet nga policia. Edhe kriminel të ishte mund ta arrestosh, ai ishte tek dera e shtëpisë. Edhe nëse ta kishte se kishte bërë faj, mund të kishte bërë gjithçka mund ta kapte policia ta arrestonte, ta burgoste, të bënte çfarë të donte nëse kishte bërë faj. Por ta masakrojë policia një fëmijë 25 vjeç kur unë e kisha për ta martuar.

Spartak Koka: E kishit fejuar?

Qazim Rasha: Po prisnim për ta martuar. Nuk mund të them asgjë, asgjë.

Spartak Koka: Ai ka qenë duke ndenjur tek pema, aty ku pinte kafen ka qenë një tip i mbyllur.

Qzim Rasha: Ka qenë në punë të vetë.

Spartak Koka: Për gjithë opinionin publik që kanë shumë pikëpyejte, thonë që ka pasur armë, çfarë mund të më thuash për Klodin e di që jeni baba dhe është një ngjarje e rëndë, por ka nevojë për t’u zbardhur ?

Qazim Rasha: Ke dëshmitarë që e kanë parë skenën, duke u zënë me polici duke gjurmuar dhe duke e rrahur aty në rrugë. Ai ka dalë me pi një kafe dhe ka ardhur për tek shtëpia. Kur ka parë policin ishte pa maskë dhe ata e kanë gjurmuar. Nëse ka shtet, nëse funksionon ligji, nëse ai ka qenë me armë unë e pushkatojë. Nëse djali ka qenë duke ikur për një maskë dhe të masakrohet fëmija në derë të shtëpisë në lagje… Këtë edhe serbi nuk ta bën, nëse shkon dhe kalon matanë të kap dhe të arreston. Po të shkosh të shikosh kufomën, është degjenuar kufoma.

Spartak Koka: Djali juaj nuk ka pasur precedentë të mëparshëm se është thënë që është kapur për pengmarrje?

Qazim Rasha: E bëjnë për të maskuar ato punët e veta, nëse ekziston një nga ato unë varem këtu. Po nuk kanë lidhje fare, këto janë budallaqe. Më tha vetë shefi që ato e kanë bërë, por çfarë ti se atë janë maskarenj që kanë bërë veprimin. Të zbardhet e vërteta, ndryshe pastaj nuk mund të…

25-vjeçari Klodjan Rasha u vra nga punonjësi i forcave “Shqiponja” rreth orës 01:45 të mëngjesit në rrugën “Dritan Hoxha” në Laprakë. Efektivi pretendoi se i riu kishte armë në dorë dhe e qëlloi duke e lënë të vdekur. Ndërkohë, punonjësi i policisë është arrestuar dhe akuzohet për tejkalim të kompetencave për përdorimin e armës. 

Zëvendës drejtori i Policisë: Vrasja e Klodian Rashës po hetohet nga SHÇBA dhe prokuroria

Zëvendës drejtori i Policisë së Shtetit, Albert Dervishaj i ftuar në emisionin “Opinion” në Tv Klan ka thënë se policia nuk ka marrë pjesë në hetimet për vrasjen e 25-vjeçarit Klodian Rasha.

Dervishaj tha se po hetohet nga prokuroria dhe SHÇBA dhe nuk mund të jepte asnjë detaj më shumë seç është dhënë nga komunikatat për mediat.

Albert Dervishaj zëvendës drejtori i Policisë së Shtetit: Ditët e fundit kemi patur dy ngjarje të rëndë, duke llogaritur ngjarjen e ditës së shtunë në Lezhë dhe ngjarjen e sotme. U shpreh ngushëllimet e mira familjarëve të të ndjerëve. Nisur nga komunikata dhe që ka bërë SHÇBA të bazohemi tek ligji.

Që në momentin e parë Policia nuk ka qenë pjesë e hetimit për këtë ngjarje, në këtë kontekst u është kërkuar prokurorisë dhe SHÇBA-së që të hetonin. Nuk ka asnjë informacion shtesë përveç deklaratës.

Klodian Rasha u vra në orët e para të mëngjesit në Laprakë, pasi ishte ndjekur disa dhjetëra metra nga Policia. Ai u qëllua nga një efektiv i Shqiponjave.

Babai i Klodjan Rashës: Ma masakruan djalin në derë të shtëpisë, as serbi s’ta bën këtë

Qazim Rasha, babai i Klodjan Rashës që u vra nga policia në orët e parë të mëngjesit të së martës, ka dhënë një intervistë për emisionin “Opinion” në Tv Klan.

Duke folur për gazetarin Spartak Koka pranë vendit ku iu vra djali, Qazim Rasha është shprehur se 25-vjeçari doli nga shtëpia për të pirë një kafe. Sipas tij, ai u ndoq nga policia sepse ishte pa maskë. Vrasjen e djalit nga policia, Qazim Rasha e konsideron “masakrim në derë të shtëpisë”.

Spartak Koka: Për gjithë opinionin publik që kanë shumë pikëpyejte, thonë që ka pasur armë, çfarë mund të më thuash për Klodin e di që jeni baba dhe është një ngjarje e rëndë, por ka nevojë për t’u zbardhur ?

Qazim Rasha: Ke dëshmitarë që e kanë parë skenën, duke u zënë me polici duke gjurmuar dhe duke e rrahur aty në rrugë. Ai ka dalë me pi një kafe dhe ka ardhur për tek shtëpia. Kur ka parë policin ishte pa maskë dhe ata e kanë gjurmuar. Nëse ka shtet, nëse funksionon ligji, nëse ai ka qenë me armë unë e pushkatojë. Nëse djali ka qenë duke ikur për një maskë dhe të masakrohet fëmija në derë të shtëpisë në lagje… Këtë edhe serbi nuk ta bën, nëse shkon dhe kalon matanë të kap dhe të arreston. Po të shkosh të shikosh kufomën, është degjenuar kufoma.

Spartak Koka: Djali juaj nuk ka pasur precedentë të mëparshëm se është thënë që është kapur për pengmarrje?

Qazim Rasha: E bëjnë për të maskuar ato punët e veta, nëse ekziston një nga ato unë varem këtu. Po nuk kanë lidhje fare, këto janë budallaqe. Më tha vetë shefi që ato e kanë bërë, por çfarë ti se atë janë maskarenj që kanë bërë veprimin. Të zbardhet e vërteta, ndryshe pastaj nuk mund të…

Ndërkohë, punonjësi i policisë është arrestuar dhe akuzohet për tejkalim të kompetencave për përdorimin e armës. /tvklan.al