Prezenca e OSBE-së në Shqipëri ka reaguar mbrëmjen e kësaj të shtune pas dhunës së shfaqur në protestën e opozitës së bashkuar, ku protestuesit u përplasën me forcat e policisë dhe hodhën bomba molotov drejt godinës së Kryeministrisë dhe Parlamentit.
OSBE thotë se organizatorët e protestës duhet të mbajnë përgjegjësinë politike për dhunën kriminale të disa protestuesve.
“
Organizatorët e protestës së mbrëmjes të sotme duhet të mbajnë përgjegjësinë politike për dhunën kriminale të ushtruar nga disa prej ndjekësit e tyre.
Mendimet tona shkojnë me familjet e të plagosurve. OSBE-ja do të vijojë të nxisë opozitarizmin efikas dhe dialogun në Shqipëri. Por ne i dënojmë plotësisht ata që përpiqen të përdorin dhunën si një rrugë të shkurtër politike; ata do të dështojnë
”, shkroi OSBE në reagimin e saj në rrjetet sociale.
Në një tjetër reagim pak minuta më vonë, OSBE tha se as reagimi i rëndë ndaj dhunës nuk ndihmon situatën.
“Prezenca e OSBE-së e ka ndjekur protestën e sotme minutë pas minute. Ne përsërisim qëndrimin tonë të palëkundur që dhuna nuk është përgjigja. Gjithashtu, reagimi i rëndë ndaj dhunës nuk ndihmon.
”
/tvklan.al