OSCAR heq dorë nga “filmi popullor”

Akademia hedh në diskutim kategorinë e re

Para pak kohësh bëri bujë vendimi i Akademisë së çmimeve OSCAR për krijimin e një kategorie të re të quajtur filmi më popullor.

Por tani organizata ka bërë një hap pas, duke lajmëruar se kjo kategori nuk do të përfshihet në edicionin e ardhshëm të çmimeve OSCAR të parashikuar për në 24 Shkurt 2019.

Nuk bëhet fjalë për anulim të kategorisë, por mbase për një pezullim në pritje të një rivlerësimi në të ardhmen.

Drejtoresha ekzekutive e Akademisë, Dawn Hudson, në një deklaratë tha se çështja do të hidhet në diskutim pas reagimeve të shumta mbi kategorinë e re.

Ajo shtoi se në vite ka pasur ndryshime në çmimet OSCAR dhe do të ketë edhe në të ardhmen, por pa prekur trashëgiminë  e jashtëzakonshme të 90 viteve të fundit.

Tv Klan

Kategori
KulturëTe funditTë gjitha
0 Komente

Përgjigju

*

*