Përbërësit:
500 gr miell polenta
100 djathë brie
100 miell
60 gr borzilok
4 ossobuco
2 speca me ngjyra
1 karotë
1 degë selino
1 qepë
1 thelpinj hudhër
1 gotë verë
Kripë
Piper
Përgatitja:
Vendosim një tenxhere me ujë në sobë, shtojmë në të pak spec, lëkurën e qepës, lëkurën e karotës, hudhra dhe i lëmë të ziejnë që të përgatitet bulioni.
Në një tigan me pak vaj ulliri vendosim pak hudhër. Lyejmë me miell fileton e viçit dhe e vendosim në të njëjtin tigan që të skuqet. Pasi të skuqet e shuajmë me verë dhe i lëmë të ziejnë.
Në një tjetër tigan skuqim qepën e grirë imët, karotën, selinon, specat. I përziejmë dhe shtojmë po ashtu edhe kripë dhe piper. Më pas perimet e skuqura i shtojmë tek tigani me fileton e skuqur, shtojmë po ashtu bulion dhe i lëmë të ziejnë bashkë. Gjethet e borzilokut i vendosim në një gotë mikseri, shtojmë kripë, piper, vaj ulliri dhe i miksojmë derisa të bëhen krem.
Në një tenxhere me ujë shtojmë vaj ulliri, kripë, një tabletë viçi dhe dalëngadalë miell misri. I përziejmë derisa të bëhen krem dhe më pas shtojmë djathin bri.
Vendosim në pjatë kremin e borzilokut, kremin poenta me miell misri dhe mishin me perime./tvklan.al
