Banorët dyshojnë për ndërhyrje në strukturë
Ndodhet vetëm 300m larg qendrës së Tiranës, por ky bllok pallatesh pret ende grupet e inspektimit.
“Pothuajse të gjitha banesat në këtë pallat 5 katësh afër Maternitetit të Vjetër janë dëmtuar nga tërmeti, që nga bodrumi e deri tek katet më të larta”.
Plasaritje e mureve dhe të çara janë dëmet më të shpeshta.
Askush nga 50 familjet nuk ka lëvizur që aty, por kërkojnë zërin e specialistëve për t’u siguruar për qëndrueshmërinë e godinës.
Të shqetësuar banorët
pohojnë se ky bllok pallatesh I ndërtuar në 1958 ka ndërhyrje në strukturë.
Kanë qënë të shumta edhe kërkesat e
banorëve që kanë kërkuar inspektim të godinave ku ka ndryshime të strukturave
nga projekti i tyre fillestar. Bashkia e Tiranës sqaron për Tv Klan se kjo faze
verifikimi do të ndodhë pas përfundimit të inspektimeve në të gjitha godinat e
dëmtuara nga tërmeti.
Tv Klan
