Këto janë pamjet e rënda të përplasjes së punonjësit të Policisë Rrugore këtë të hënë. Ngjarja e rëndë ndodhi rreth orës 13:00 në autostradën Durrës-Tiranë.
Siç duket nga pamjet e siguruara nga gazetarja Aida Topalli, përplasja ka qenë shumë e rëndë për efektivin e Policisë Rrugore, i cili ka “fluturuar” disa metra në ajër për shkak të goditjes.
Efektivi me iniciale R.Q. në momentin e aksidentit kishte ndaluar një mjet BMW X5, ndaj të cilit po kryente verifikimet dhe veprimet policore për shkak se e kishte konstatuar duke qarkulluar pa vendosur targat në vendin e caktuar.
Ai është përplasur nga një mjet që drejtohej nga një 20-vjeçar. I riu humbi kontrollin e mjetit dhe për pasojë goditi mjetin e parkuar dhe policin.
Efektivi i policisë u dërgua menjëherë në spital dhe ndodhet nën kujdesin e mjekëve. Ndërkohë në komisariat janë dërguar të dy shoferët e makinave që u përfshinë në aksident./tvklan.al
