Vetëm 1000 pelegrinë vizitojnë Qaben në Mekë
Besimtarët myslimanë në të gjithë botën kremtojnë sot Kurban Bajramin, në një atmosferë krejtësisht të pazakontë për shkak të pandemisë së Covid-19. Të veshur me të bardha, simbol i pastërtisë, me maska dhe duke ruajtur distancën, pelegrinët përshkuan shtatë herë Qaben në Mekë.
Ata u falën në grupe të vogla dhe çdo lëvizje e tyre monitorohej nga ekspertë shëndetësorë. Vendi më i shenjtë e besimit Islam nuk kishte parë kurrë kaq pak pelegrinë në historinë moderne. Nga 2.5 milionë që vizitojnë zakonisht vendet e shenjta këtë vit ishin vetëm 1000 dhe të gjithë nga brenda Arabisë Saudite, pasi besimtarët nga jashtë nuk morën pjesë si pasojë e mbylljes së kufijve.
Në Turqi, Kurban Bajrami u fal për herë të parë në Aja Sofia, e shndërruar në xhami vetëm pak ditë më parë.
Hija e koronavirusit u ndje edhe në Lindjen e Mesme. Në Jordani festimet ishin të zbehta, kurse në Irak, Siri dhe Egjipt xhamitë u mbyllën dhe rrugët ishin bosh nga turmat e zakonshme të Bajramit. Në Bagdad të Irakut besimtarët injoruan shtetrrethimin dhe u falën jashtë ambienteve të xhamisë.
Tv Klan
