Me 184 vota “për” dhe 1 “të përmbajtur”, siç njofton KlanM, deputetët në parlamentin bullgar miratuan deklaratën ku ashpër dënohet retorika antibullgare në RMV.
Në këtë Rezolutë, praktikisht bashkohen të gjitha projekt-deklaratat e katër partive dhe koalicioneve në Bullgari – GERB, “Vazhdojmë me Ndryshimet”, “Rilindja” dhe “Bullgaria Demokratike”, siç thuhet, lidhur me “eskalimin e tendencave agresive anti-bullgare dhe dhunës ndaj qytetarëve që deklarohen si bullgarë në RMV”.
Në deklaratën prej 9 pikëve, siç njofton KlanM, kategorikisht dënohen aktet e dhunës ndaj bullgarëve në RMV, në veçanti, siç thuhet, vepra e rëndë ndaj Bullgarit, Hristijan Pendikov.
Shprehen shqetësime se eskalimi i fushatës anti-bullgare mund ta cenojë futjen e bullgarëve në Kushtetutën e RMV-së, zhvillimin e proceseve demokratike dhe rrugës së saj drejt anëtarësimit në BE, që, siç thuhet në Deklaratë, u shërben interesave të vendeve të treta.
Gjithashtu, siç njofton KlanM, në deklaratë potencohet se mbrojtja e të drejtave të shtetasve bullgarë dhe qytetarëve që deklarohen si bullgarë në RMV, duhet të granatohet përmes përdorimit të plotë të instrumenteve të konstatuara në kornizën negociuese të miratuar nga BE-ja.
Deklarata për Maqedoninë e Veriut, siç njofton KlanM, është miratuar në seancën e fundit plenare, para shpërbërjes së nesërme të parlamentit.
Pas zgjedhjeve të fundit dhe pas tre mandateve të ndara, asnjë parti në bullgari nuk arriti të sigurojë shumicën për formimin e qeverisë.
Presidenti bullgar, Rumen Radev, siç përcjell KlanM, njoftoi se më 3 Shkurt do të miratojë dekretin për shpërbërjen e Kuvendit dhe caktimin e zgjedhjeve parlamentare për më 2 Prill.
