Partia Demokratike takim me delegacionin e deputetëve italianë (09 Janar 1999)

Partia Demokratike takim me delegacionin e deputetëve italianë (09 Janar 1999)

12:29 09/01/1999

“Pas nesh shumë shpejt do të bëje një vizitë në Shqipëri kreu i Aleancës Nacionale, Xhanfranko Fini.” Kështu e ka hapur sot pasqyrën e takimeve zyrtare që pati këto ditë delegacioni i deputetëve italianë, vetë zëdhënësi i Partisë së Djathtë, Urso. Sipas tij, ky takim i fundit i nivelit të lartë shërbeu për forcimin e lidhjeve mes forcave opozitare të të dy vendeve.

Ai vlerësoi shumë rolin e Partisë Demokratike dhe kreut të saj Berisha
në kontekstin e politikës shqiptare për arritjen e një zgjidhje të re që do ta nxjerrë vendin nga kriza. Ai dha edhe opinionet e tij për takimin me Kryeministrin Majko.Gjithashtu i kërkuan kryeministrit shqiptar, që nëse kërkon të gjejë rrugë të përbashkëta dialogu me Opozitën, duhet të gjejë sa më parë vrasësit e deputetit Azem Hajdari dhe të heqë dorë nga ushtrimi i dhunës ndaj Opozitës.

Delegacioni italian diskutoi me Majkon edhe për ligjin e emigracionit klandestin, i cili pritet të shtrohet në Parlamentin Shqiptar. Mendimi i tyre është se kryesore është marrja e masave konkrete për frenimin e fluksit të refugjatëve. Deputetët shprehen keqardhjen që numri i biznesmenëve italianë në Shqipëri është ulur ndjeshëm, si pasojë e pasigurisë në vend. Para nisjes nga Shqipëria ata bënë homazhe në vendin ku u vra deputeti Azem Hajdari dhe një vizitë kortezie në shtëpinë e tij./tvklan.al




Grupi
LAJMET

Të ngjashme


Grupi