Partia Lidhja e Legalitetit – (3 Gusht 1999)




Partia Lidhja e Legalitetit – (3 Gusht 1999)

14:24 03/08/1999

Arkiva Lajme – Tv Klan 1999

Vetëm rivendosja e monarkisë do të shpëtoj vendin nga kriza. Ka qenë kjo alternatina e propozuar sot nga legalistët shqiptarë. Sipas tyre institucioni i mbretit me paanësnë në raport me partitë dhe rrymat e ndryshme është garanti që do të largoj idenë e përkohshëmrisë dhe të shpërdorimit. Ai krijon garancinë ligjore për stabilitetin e administratës nga çdo furtunë partiake.

Në kushtet aktuale legalistët kanë kërkuar krijimin e një xhandarmërie që të jetë e specializuar në luftë kundër krimit si dhe për të realizuar çarmatimin. Për këtë ata propozojnë modelin e xhandarmërisë së viteve ’24-‘39, që sipas tyre përbën një bazë të fuqishme për rivendosjen e normalitetit në Shqipëri.

Legalistët u shprehën gjithashtu se mbretëria krijon mundësi reale për luftën kundër korrupsionit pasi mbreti ka të drejtë të çojë përpara gjyqit ministra e funksionar të lartë të shtetit. Partia Lidhja e Legalitetit ka propozuar mbajtjen e një tryeze mes vetë opozitës shqiptare që ndodhet e ndarë në dy grupime, Bashkimi për Demokraci dhe E Djathta e Bashkuar. Sipas legalistëve duhen lënë mënjan mosmarrveshjet pasi në situatën e krijuar në Shqipëri duhet të ekzistoj vetëm një opozitë./tvklan.al

Gazetare – Ornela Bego





Të ngjashme