Zaev: Me këto ide BDI do të ngelet në opozitë
Bashkimi Demokratik për Integrim ka vazhduar të promovojë fushatën për Kryeministrin shqiptar. Nga kjo parti thonë se unifikimi I shqiptarëve në Maqedoninë e Veriut mund të bëhet sipas shembullit të Kërçovës, kur në vitin 2013 shqiptarët u bënë bashkë dhe pas 50 viteve zgjodhën një shqiptar në krye të Kërçovës.
Sikurse rivali I tij politik Mickoski edhe kreu i LSDM-së Zoran Zaev ka hedhur poshtë idenë e një kryeministri shqiptar. Sipas tij, me këto iniciativa BDI mund të shkojë në opozitë.
“VMRO DPMNE dhe BDI do të mbeten së bashku në opozitë dhe ata si BDI po ndihmojnë me këtë narrativ që të dalin në opozitë. Me të vërtetë, pas 17 vjetëve në pushtet, është e shëndetshme edhe për shtetin që BDI të kalojë në opozitë”.
Në prag të fillimit zyrtar të fushatës zgjedhore për zgjedhjet e 15 Korrikut, në Maqedoninë e Veriut ka filluar dukshëm të nxehet atmosfera politike.
Tv Klan
