Përbërësit:
500 gr orecchiette
100 gr djathë i tymosur
100 gr sallam pikant
100 gr spinaq
100 gr pomodorini
3 patëllxhanë
Borzilok
Vaj për skuqje
Kripë
Piper
Për beshamelën:
100 gr miell
100 gr gjalpë
1 lt qumësht
Përgatitja:
Vendosim një tenxhere me ujë që të ziej, në të cilën ziejmë makaronat për 4 minuta. Në një tigan vendosim fillimisht qumështin që të ngrohet. Në një tjetër tigan shkrijmë gjalpin, shtojmë në të miell dhe i përziejmë derisa të skuqen. Më pas i shtojmë dalëngadalë tek tigani ku kemi vendosur qumështin dhe i përziejmë vazhdimisht që të mos bëhet me kokrriza. Grijmë imët spinaqin dhe e vendosim në një tas. Shtojmë në të gjethe borziloku, makaronat e ziera, beshamelën, pomodorinit e prera në kubikë, kaçkavall, djathë të tymosur dhe pak spec djegës. I përziejmë të gjithë ingredientët bashkë, i vendosim në një tavë, shtojmë sërish djathë të grirë mbi të dhe më pas i fusim në furrë që të piqen.
Presim në kubikë të vegjël patëllxhanët, i kalojmë në miell dhe i skuqim në një tenxhere.
Presim përgjysmë pomodorinit, i vendosim në një tas, shtojmë gjethe borziloku, pak rigon dhe patëllxhanët e skuqur. Vendosim në pjatë fillimisht pastiçon dhe mbi të sallatën me pomodorini dhe patëllxhanë./tvklan.al
