Pasuria e Frrokut në sitën e Krimeve të Rënda

Posta

Pasuria e Frrokut në sitën e Krimeve të Rënda

15:08 20/12/2015 frroku 2

Pasuritë e Mark Frrokut dhe të ardhurat e tij do të hetohen nga Prokuroria e Krimeve të Rënda bazuar në ligjin antimafia.

Hetimi pasuror për ish-deputetin do të nisë javën e ardhshme dhe do të jetë i veçuar nga akuzat e tjera për Mark Frrokun.

Nga Inspektoriati i Deklarimit dhe Kontrollit të Pasurive si dhe Prokuroria e Përgjithshme është krijuar dyshimi se mbi 2 milionë dollarë pasuri të Mark Frrokut janë përftuar nga aktiviteti kriminal i trafikut të lëndëve narkotike dhe shfrytëzimit të prostitucionit në vitet 1998-2002 në Belgjikë e Hollandë.

Në sitën e prokurorisë së Krimeve të Rënda do të jenë edhe pasuri të fshehura në vlerën e 700 mijë eurove që ish-deputeti nuk i justifikon me burime të ligjshme financimi.

Dosja në ngarkim të Mark Frrokut i ka kaluar Gjykatës së Lartë. Frroku akuzohet për vrasjen e Aleksandër Kurtit në vitin 1999 në Belgjikë, pastrim të produkteve të veprës penale dhe ndërtimin pa leje të një kati në këtë godinë në rrugën e Durrësit të blerë nga miku i tij Tom Doshi. Mbi deputetin rëndon edhe akuza e fshehjes së pasurisë, të cilën ai duhet ta justifikojë me burime të ligjshme në hetimin që do të zhvillohet në Prokurorinë për Krime të Rënda.

Tv Klan

OTP
Reklama
Grupi
LAJMET

Të ngjashme

Reklama
AZHBR
UKT
Grupi
UKT