Ish-deputetja e Partisë Demokratike u takua me tregtarë të zonës së Pazarit të Ri në Tiranë këtë të hënë, për të dëgjuar nga afër shqetësimet e tyre dhe për t’u shpjeguar atyre programin i Partisë Demokratike për ekonominë. Tregtarët treguan se shitjet bien dita-ditës, për shkak se qytetarët e kanë ulur konsumin, si pasojë e krizës ekonomike që po përjetojnë në familjet e tyre.
Sipas Partisë Demokratike qytetarët dëshmuan vështirësitë me të cilat përballet në këtë situatë, duke thënë se qeveria i ka lënë të vetëm e pa mbështetje.
Ish-deputetja Tabaku i ftoi që të krahasojnë atë çfarë u ofron programi i Partisë Demokratike dhe çfarë kanë përjetuar deri tani nga politikat e qeverisë Rama.
“Ne kemi bërë një program për biznesin e vogël, që e lehtëson. Tani, ju e keni llogaritur vetë në xhepin tuaj se sa është rritur tarifa vendore, sa është rritur energjia elektrike, sa ka rënë konsumi”, u shpreh Tabaku.
Vënia në vështirësi e biznesit, thanë tregtarët, ka rritur papunësinë dhe për pasojë po detyron të rinj e kryefamiljarë që të largohen nga vendi, duke u ndarë nga familjet e tyre./tvklan.al
