PD i përgjigjet Ramës: Përgjegjësi direkte për vdekjen e 24 qytetarëve

PD i përgjigjet Ramës: Përgjegjësi direkte për vdekjen e 24 qytetarëve

21:39 14/12/2019

Përmes një deklarate nga sekretarit të përgjithshëm, Gazment Bardhit, PD i përgjigjet deklaratës së kryeministrit Edi Rama, i cili kritikoi opozitën për mospranimin e ftesës për t’u ulur në një tryezë për diskutimet lidhur me situatës pas tërmetit të 26 Nëntorit.

Bardhi shprehet se Rama vazhdon të bëjë shoë mbi tragjedinë, duke u përpjekur të mbulojë paaftësinë, papërgjegjshmërinë dhe abuzimin e qeverisë së tij me propagandë të shëmtuar kundër opozitës.

Sipas tij për fatin e keq të Shqipërisë dhe qytetarëve të prekur nga tërmeti, këto 3 javë provuan se vendi drejtohet nga një kryeministër i dështuar.

Edi Rama dështoi të menaxhojë situatën pas tërmetit, dështoi t’u japë qytetarëve sigurinë për banesat e tyre, dështoi të mbrojë interesin publik, duke mbrojtur paturpësisht 150 milionë dollarë që u jep oligarkëve për koncesionet korruptive të firmosura prej qeverisë se tij. Dëshmi e dështimit të Edi Ramës është edhe përgjegjësia direkte për vdekjen e 24 qytetarëve në pallatet e shpallura të pabanueshme në Thumanë pas tërmetit të 21 Shatorit, për të cilët nuk mori asnjë masë për ti strehuar, duke i lënë në mëshirën e fatit. Dështimi më i madh i Edi Ramës është se nuk shndërroi dot Partinë Demokratike dhe opozitën në fasadën e pushtetit të tij të korruptuar dhe të kriminalizuar. Ai e ka të lidhur fatin me Vangjush Dakon dhe Arben Ahmetajn, ndërsa ne me qytetarët shqiptarë”.

Në përgjijge të deklaratës së kreut të shtetit, kur tha se opozita në këtë periudhë ka qenë thuajse inekzistente, Bardhi shprehet se në këtë kohë fatkeqësie, shqiptarët kanë parë se e vetmja forcë e përgjegjshme, që ka ngritur zërin për interesin e tyre është opozita.

“Ne nuk përfituam politikisht nga tragjedia, ne nuk u tallëm me viktimat dhe as nuk i përdorëm të prekurit nga tërmeti, siç po përpiqet prej ditës së parë, Edi Rama, i cili shpiku edhe fejesën e të birit për t’u viktimizuar para shqiptarëve që ia kanë hequr vizën me kohë”

Këtë reagim Bardhi e ka bashkangjitur me një foto të një pankarte ku shkruhet: Ku është fletë-arresti i Vangjushit.

Më herët sot, Rama tha se kanë nisur arrestimet dhe se hetimet po vazhdojnë për vënien para drejtësisë të të gjithë personave përgjegjës për tragjedinë e nëntorit, me 51 viktima. /tvklan.al


Grupi
LAJMET
Të ngjashme
Grupi