PD kërkon shkarkimin e ministres së Arsimit

PD kërkon shkarkimin e ministres së Arsimit

19:52 26/02/2020

Shkak, skandali i denoncuar në emisionin ‘Stop’

Partia Demokratike kërkon shkarkimin  nga detyra të Ministres së Arsimit, Besa Shahini, pas denoncimit të një skandali në emisionin investigativ “Stop”, ku profesori i muzikës Agron Bego ngacmon seksualisht një nxënëse të shkollës së mesme artistike “Jakov Xoxa”.

“Ministrja e Arsimit duhet të ishte shkarkuar. Jo pse nuk mundi të parandalojë një skandal të tillë, por se e fshehu atë dhe sot akoma nuk ka asnjë qëndrim që të tregojë distancim nga abuzuesit në shkolla, militantë të partisë në pushtet”, thotë ish-deputetja e PD Orjola Pampuri.

Pak javë më parë, emisioni “Stop” transmetoi skandalin e mësuesit Agron Bego, i cili ofrohej të ndihmonte një nxënëse me mungesat, në këmbim të intimitetit.

Pas publikimit të skandalit seksual, ndaj profesorit “zhigolo” u mor masa e arrestit “burg pa afat” dhe u pezullua nga shkolla, ndërsa rasti po hetohet nga prokuroria.

Por dëshmitarë të tjerë kanë thënë se në ngacmime seksuale janë përfshirë edhe mësues të tjerë, ku pre e tyre kanë rënë disa nxënëse të kësaj shkolle.

Tv Klan




Grupi
LAJMET
Të ngjashme


Grupi