PD: Lufta e Ramës ndaj mediave u kushtoi shqiptarëve 109 mln euro



PD: Lufta e Ramës ndaj mediave u kushtoi shqiptarëve 109 mln euro

16:04 10/07/2020

“Të japë dorëheqjen dhe prokuroria të hetojë”

Partia Demokratike akuzoi Kryeministrin Rama se për hakmarrjen e tij personale ndaj mediave kritike ndaj qeverisë, po i ngarkon shqiptarëve një borxh prej 109 milionë Euro. Selia blu thotë se rasti Beccheti është shembull që kreu i qeverisë duhet të japë dorëheqjen dhe prokuroria të hetojë për shpërdorim detyre.

“Lufta e shpallur ndaj sipërmarrësit italian Francesco Becchetti për arsyen e vetme se zotëronte një media kritike ndaj qeverisë, ndaj Edi Ramës dhe Erion Veliajt, po u kushton qytetarëve të vendit 109.5 milionë Euro.  Tani, shqiptarëve u duhet të paguajnë për luftën personale të kryeministrit me një sipërmarrës të huaj, kritik ndaj keqqeverisjes se tij. Janë plot 109 milionë euro. Janë më shumë para sesa të dyja paketat e ndihmës që qeveria u dha qytetarëve gjatë pandemisë”.

Tv Klan




Të ngjashme