Partia Demokratike prezantoi këtë të hënë masat antimafia për çlirimin e ekonomisë nga korrupsioni dhe oligarkia. Alternativa e PD ka për qellim sekuestrimin e pasurive publike të fituara me kontrata në kundërshtim me ligjin.
“Ne i kemi denoncuar këto afera një për një. Kjo që do të bëjmë sot është më shumë se denoncim, ne do të prezantojmë sot para jush platformën antimafia për çlirimin e ekonomisë, e cila shkurt dhe thjeshtë konsideron dhe propozon mekanizmin ligjor dhe institucional për evidentimin, verifikimin, sekuestrimin dhe konfiskimin e pasurive të personave privatë dhe zyrtarëve publikë përfshirë në afera korruptive, qofshin këto PPP, tendera, koncesione, leje apo licenca”, tha kryetari i Partisë Demokratike, Lulzim Basha.
“
Njësoj si me krimin e organizuar dhe asetet e krimit të organizuar, të gjithë ata që përfitojnë në mënyrë korruptive paratë e taksapaguesve shqiptarë do të jenë subjekt i të njëjtit mekanizëm, i cili konsiston në dy pjesë, së pari barra e provës do të jetë me subjektet e ligjit dhe jo me shtetin. Do tu takojë atyre që janë bërë palë në këto afera korruptive që të provojnë pafajësinë e tyre dhe ligjshmërinë e aseteve të tyre, dhe së dyti duke bërë të mundur që pavarësisht procesit penal juridik, pasuritë e vëna në këtë mënyrë t’i nënshtrohet procesit të verifikim-sekuestrim-konfiskimit.
”
Basha tha se këto janë masat drastike për një kohë sfidash dramatike për vendin.
“
Pa ndalur këtë të keqe dhe pa ju rikthyer shqiptarëve paratë dhe asetet që po vidhen përditë, nga një qeveri e bërë njësh me krimin, as sipërmarrja nuk do të shohë asnjë ditë të bardhë, as qytetarët shqiptarë nuk do të mund të dalin nga spiralja e të keqes që i ka mbërthyer.
”/tvklan.al
