“Shkollat nuk janë gati për rinisjen e mësimit”

Gjatë verës, qeveria ka vendosur të gjithë vëmendjen në daljet publike te programi i rindërtimit, duke inspektuar objekte publike dhe shtëpi individuale, që po ndërtohen nga e para.

Por për demokratët kjo është thjesht propogandë, pasi njerëzit që kanë vërtet nevojë për t’iu rindërtuar shtëpitë e shembura nga tërmeti nuk kanë pasur ndihmë. Në dalje të njëpasnjëshme nga qytete të ndryshme, përfaqësues të PD kanë bërë publike raste konkrete për akuzat e tyre.

Ndërsa në Thumanë dhe në Lezhë kanë treguar se shkollat nuk janë gati të hapin dyert për nisjen e mësimit.

Çlirim Gjata akuzon dhe kryetarin e Bashkisë së Krujës, se ka abuzuar me fondet publike duke shpenzuar për rikonstruktimin e shkollës në Thumanë, që u  inagurua 2 ditë përpara tërmetit dhe që u dëmtua rëndë nga goditja sizmike, afro 100 milion lekë më tepër seç ka kushtuar ndërtimi i saj nga e para.

TV Klan