PD: Qeveria bën propagandë me tërmetin



PD: Qeveria bën propagandë me tërmetin

17:58 26/09/2020

“Familjet në mëshirë të fatit”

Përkeqësimi i motit e ka gjetur në çadër familjen Shota në Bilaj të Krujës. Denoncimi është bërë nga Partia Demokratike, përmes ish-deputetes Oriola Pampuri. Banesa e familjes Shota u shemb nga tërmeti i 26 Nëntorit.

Pampuri: Si e kaluat natën mbrëmë?

Andon Shota: Natë s’ka jetoj në çadër në shi, bile të thuash edhe jashtë krejt. Jashtë. Shifi thaset këtu. Unë i kam vënë që të mos më hyjë uji brenda. Ministri mos të merret me fjalë të kota. Ke kjo shtëpi, janë barake, uji futet 1 metër brenda në shtëpi brenda.

Më herët Partia Demokratike denoncoi një tjetër rast, atë të familjes Fane në Lezhë, pallati i së cilës u kategorizua si i pabanueshëm nga inxhinierët pak ditë pas tërmetit.

“Pallati është deklaruar i pabanueshëm, por ekspertët nuk kanë ardhur për përfundimtaren. Nuk na thanë që dilni sot ose….”

Familja Fane kërkon nga pushteti lokal që të zgjidhë sa më parë çështjen e shtëpisë, ndërkohë që barra financiare e qerasë së apartamentit, ku ajo banon aktualisht, bëhet akoma dhe më e papërballueshme sipas saj me kalimin e kohës.

Tv Klan







Të ngjashme