PD: Qeveria kalimtare, pjesë e Reformës Zgjedhore

PD: Qeveria kalimtare, pjesë e Reformës Zgjedhore

16:10 20/01/2020

“Jo zgjedhje të parakohshme me Ramën Kryeministër”

Pavarësisht uljes në tryezën e reformës zgjedhore me mazhorancën, demokratët nuk heqin dorë nga kushti i tyre i panegociueshëm për të shkuar në zgjedhje të parakohshme pa Kryeministrin Rama, me një qeveri kujdestare.

 “Zgjedhjet e parakohshme janë i vetmi mjet për kapërcimin e krizës politike. Ne s’kemi heq dorë nga kërkesa për një qeveri tranzitore pa Ramën kryeministër. “

Për ta bërë të mundur këtë mekanizëm që të funksionojë,  Nënkryetari i demokratëve Edmond Spaho thotë se opozita ka bërë një propozim konkret që do të duhet të miratohet me ndryshimet e reja të reformës elektorale.

 “Nuk do jetë sakrilegj nëse vendosim në kod që dy tre muaj para zgjedhjeve të vendoset që të krijohet një qeveri kujdestare.”

Aleatët e Bashës thonë se nëse do të shkohet në zgjedhje të parakohshme ato duhet të mbahen brenda Qershorit por demokratët nuk e shohin kohën si problem.

 “Koha është pjesë e diskutimit….”

Ajo që më së shumti i shqetëson është të mos zvarritet reforma zgjedhore, një kusht i parlamentit gjerman që duhet të përmbushet sa më parë. E kundërta do të rikthente sërish opozitën në sheshe me qytetarët.

 “Nëse mazhoranë do e zvarrisë ne do shikojmë pozicionet tona dhe protestat janë mjeti më i sigurtë.”

Ulja në tryezën e reformës zgjedhore me mazhorancën Spaho thotë se nuk e kompelkson  aspak opozitën të vijojë me denoncimet e kryebashkiakëve të inkriminuar. Pas 5 rasteve të bëra publike në media, nënkryetari i demokratëve paralajmëron edhe 15 të tjerë.

Tv Klan



Grupi
LAJMET
Të ngjashme

Grupi