Kina ka prezantuar edhe një pasaportë dixhitale të shëndetit që do të lehtësoje fluksin e udhëtarëve.
Kina do të nisë një program për të ndihmuar vaksinimin e shtetasve të saj jashtë vendit kundër koronavirusit. Ministri i Jashtëm Wang Yi prezantoi një pasaportë dixhitale të shëndetit për udhëtimet globale.
Wang tha në një konferencë shtypi në Kongresin Popullor Kombëtar në Pekin se programi “Aksioni i Fidanit të Pranverës” do të ndihmonte dhe luftonte që shtetasit kinezë jashtë vendit të marrin një nga vaksinat kineze.
Kina ka dhuruar vaksina në vende të tilla si Zimbabve, Irak dhe Pakistan si pjesë e diplomacisë së saj për të cilën analistët thonë se synon të përmirësojë imazhin e Kinës në të gjithë botën.
Kjo përpjekje është zgjeruar te kinezët përtej detit dhe banorët e Hong Kongut, Makau dhe Tajvani. Në janar, Pekini bëri të ditur se banorët tajvanezë në territorin e Kinës mund të aplikojnë gjithashtu për vaksinat falas Covid-19. Hong Kong dhe Macau gjithashtu kanë marrë vaksina për programet e tyre të vaksinimit.
Në konferencën për shtyp, Wang tha se Kina po konsideronte gjithashtu krijimin e qendrave të vaksinimit në vendet e tjera. Ministri i jashtëm është shprehur se kjo do të lejojë Kinën dhe vendet e tjera të verifikojnë rezultatin e testit të udhëtarit për Covid-19 dhe nëse personi ishte vaksinuar kundër koronavirusit.
Pasaporta shëndetësore e propozuar do të nisë me premisën e mbrojtjes së plotë të privatësisë personale.
South China Morning Post raporton se në nëntor Kina ishte në fazat e hershme të krijimit të një sistemi ndërkombëtar për të lejuar vendet të njohin reciprokisht informacionin shëndetësor të një udhëtari për të lehtësuar udhëtimet globale.
Organizata Botërore e Shëndetësisë lëshoi një dokument duke këshilluar kundër pasaportave të tilla shëndetësore për shkak të shpërndarjes së pabarabartë të vaksinave Covid-19 midis vendeve në zhvillim dhe atyre të zhvilluara.
Klan News
