Pesë persona janë plagosur nga përplasja e dy automjeteve te kthesa e Kashishtit në aksin rrugor Levan – Tepelenë.
Një nga makinat e përshira në aksident është mjet i policisë. Për pasojë mbeti i plagosur shoferi A.D. 49 vjeç dhe pasagjeri V.Z. 26 vjeç.
Kurse automjeti i dytë është një Volkswagen, i drejtuar nga 51-vjeçari me iniciale A.Z. Ky i fundit mbeti i plagosur së bashku me dy pasagjeret që ndodheshin në mjetin e tij, 44-vjeçarja V.Z. dhe 60-vjeçarja B.B.
Të plagosurit ndodhen në Spitalin Rajonal Fier nën kujdesin e mjekëve. Grupi hetimor po punon për zbardhjen e plotë të aksidentit.
/tvklan.al
