Ndërhyrja e Gardës shmangu konfliktin fizik
Ky është momenti kur socialisti Damian Gjiknuri, hartuesi i amendimeve në Kodin Zgjedhor u përplas me deputetin e opozitës parlamentare, Halit Valteri. Skena u konsumua në oborrin e Kuvendit.
U desh ndërhyrja e Gardës që duart e ngritura të dy deputetëve mos të arrinin deri në goditje.
Valteri thotë se është shantazhuar në telefon nga Gjiknuri dhe kjo ishte arsyeja përse ka lënë seancën plenare dhe ka dalë në oborrin e Kuvendit.
Por Gjiknuri përpara kamerave e mohon ta ketë kërcënuar dhe thotë se debati është krejtësisht politik.
Valteri hedh akuza të forta për blerje votash për miratimin e amendimeve në Kodin Zgjedhor, por Gjiknuri i kërkon të bëjë publik emrat nëse i ka faktet.
Tv Klan
