Përqafimi i vëllait binjak i shpëton jetën vogëlushit

Përqafimi i vëllait binjak i shpëton jetën vogëlushit

21:54 20/11/2019

Lindja e parakohshme dhe pesha shumë e vogël, nuk i dhanë aspak shpresë mjekëve se ky vogëlush do të mbijetonte.

Por duket se një përfaqim prej vëllait të tij binjak bëri që përmirësimi i shëndetit të Deiniol të ishte i menjëhershëm.

Nëna e dy djemve beson se ishte pikërisht përqafimi i vëllait që i dha jetë të voglit të saj, që lindi vetëm 700 gram.

BCC shkruan se binjakët nga Anglia, kishin lindur 15 javë më herët, por pak pasi u futën inkubator, gjendja e Deiniol u përkeqësua, ndërsa Dylan ishte në gjendje të qëndrueshme.

Hannah, nëna e djemve, tha se e gjithë kjo përvojë ishte e tmerrshme dhe se askush nuk e kishte parashikuar lindjen kaq herët.

“Deiniol shpëtoi jetën e tij me një përkëdhelje. Të nesërmen gjendja e tij u përkeqësua sërish dhe infermieret sugjeruan që ta sillnin sërish brenda inkubatorit të  Deiniolit vëllain e tij. Brenda dy ditësh Deiniol arriti të përmirësohej dukshëm dhe mjekët ia hoqën plotësisht oksigjenin. Ishte vërtetë një mrekulli”.

Nëna shprehet tejet e lumtur që tashmë dy djemtë e saj janë me shëndet të mirë dhe kanë mundur të festojnë së bashku ditëlindjen e parë.

Ndërkohë praktika e vendosjes së binjakëve në inkubatorë së bashku, në përpjekje për të përmirësuar gjendjen e tyre, kryhet gjerësisht në spitalet në Mbretërinë e Bashkuar. /Tvklan.al




UKT
Grupi
LAJMET

Të ngjashme


UKT
Grupi