Dorëheqja e ish-ministrit të Brenshëm, Fatmir Xhafaj shkaktoi debat të madh në media dhe rrjete sociale. Vetë Xhafaj deklaroi se dorëheqja e tij është bërë me vullnet të lirë, ndërkohë që kreu i PD, Lulzim Basha sonte në emisionin “Zonë e Lirë” tha se dorëheqja e tij është bërë për prishje pazaresh mes bandash dhe se Fatmir Xhafaj është viktimë e skemës ku bën pjesë vetë.
Arian Çani: Lul di gjë përse e hoqën Xhafajn? Ka një problem këtu, u bënë ca kunja dhe ai tha unë jam njeri i lirë.
Lulzim Basha:
Ai ka shkuar për riedukim te Veliaj…
Arian Çani: Thonë që Rama e ka sharë keq, ka pasion në komunikim. Sipas teje pse iku Xhafaj?
Lulzim Basha:
Kjo është përplasje klanesh politike dhe bandave të tyre. Një klan ku përfshihet Fatmir Xhafaj dhe prapa tyre qëndrojnë bandat. Rama mbrojti Dakon, i cili sot duhet të ishte në arrest. Ai është kapur në komunikim me bandat, ku i ka kërkuar bandave të blejnë vota. Në Durrës bandat kanë në kontroll gjithçka. Gjithë vendi është i kriminalizuar. Përpjekja për të mbrojtur Dakon e ka çuar të kërcënojë Xhafajn.
Arian Çani: Ç’punë ka Fatmiri që Rama të mbrojë Dakon?
Lulzim Basha:
Fatmiri, Donika dhe një sërë zyrtarësh të lartë si Ardi Veliu, po përdoren në këtë luftë të brendshme politike. Nga njëra anë mbrohet vëllai i Fatmirit dhe nga ana tjetër filloi shpalosja e një dosje tjetër.
Arian Çani: Ç’pati ky që hoqi Fatmirin?
Lulzim Basha:
Sepse nuk ishte më 100% nën kontrollin e Ramës. Fatmir Xhafaj është viktimë e skemës ku bën pjesë vetë. Është prishur pazari i hajdutëve, kur prishet pazari bien viktimat. Edi Rama është kapoja e kësaj organizate, gjithçka që po them është e vërtetë.
Arian Çani: Do të kapë sistemi dhe do të marrë lekët…
Lulzim Basha:
Kjo është krejtësisht e vërtetë. Ai si kreu i organizatës ka interes që punët të shkojnë mirë, por kur ka përplasje mes Dakos dhe Xhafajt ai duhet të zgjedhë të keqen më të vogël.
/tvklan.al
